Bodi ya Mikopo ya Wanafunzi wa Elimu ya Juu (HESLB)
Kampuni ya CreditInfo Ltd ina leseni iliyotolewa na Benki Kuu ya Tanzania kwa ajili ya kufanya kazi hiyo.
Kufuatia makubaliano hayo yaliyotiwa saini jijini Dar es Salaam
mwishoni mwa wiki, mwanafunzi ambaye ataomba mkopo kutoka kwenye taasisi
yoyote ya kifedha hapa nchini, taasisi hiyo itakuwa na uwezo wa
kuhakiki kama mwombaji huyo ni anastahili na kama ana nidhamu ya
kurejesha mikopo.
Kwa mujibu wa mkataba huo, HESLB itawasilisha orodha ya wadaiwa wa
mikopo ya elimu ya juu kwa kampuni ya CreditInfo ambayo itahakikisha
taarifa za wakopaji zinapatikana kwa taasisi zote za kifedha, ikiwamo
mabenki, ili taasisi hizo zijiridhishe kabla ya kutoa mikopo mipya kwa
wanufaika wa mikopo hiyo.
“Heslb ina furaha kufanya kazi na CreditInfo kama mdau mpya.
Tunawasihi wanufaika wa mikopo ya elimu ya juu waanze kulipa madeni yao
ili wawe na hadhi ya kukopesheka na taasisi za kifedha,” alisema Kaimu
Mkurugenzi Mtendaji wa bodi hiyo, Jerry Sabi, wakati wa hafla fupi ya
kutia saini mkataba huo jijini Dar es Salaam.
Mtendaji Mkuu wa CreditInfo Tanzania Ltd, Davith Kahwa, alisema
lengo la kampuni hiyo ni kuhakikisha fursa za ukopaji zinaongezeka na
wakopaji wanakuwa na nidhamu kwa mikopo waliyopata.
“Wanufaika wa mikopo ya elimu ya juu ambao wamekuwa wakilipa
watapata fursa ya kipekee ya kujadiliana na taasisi za kifedha kuhusu
viwango vya riba kwa sababu ya nidhamu wanayoionyesha kwa mikopo yao,”
alisema Kahwa katika hafla hiyo iliyohudhuriwa pia na Meneja wa
CreditInfo Tanzania, Van Reynders.
Hadi sasa, zaidi ya Sh. trilioni 2.1 zimetolewa na HESLB kwa
wakopaji na kati ya fedha hizo, Sh. bilioni 258 zimeiva na hivyo
kutakiwa kukusanywa kutoka kwa wanufaika.
Kiasi kilichobaki kinajumuisha fedha walizopewa wanafunzi ambao
bado wanaendelea na masomo na ambao muda wa kuanza kuwadai (miezi 12
baada ya kumaliza masomo) haujafika.
CHANZO:
THE GUARDIAN
Post a Comment