Mtu wa pili apatikana na Ebola Liberia

                       Kisa cha pili cha Ebola chatokea Liberia

Maafisa wakuu wa idara ya Afya nchini Liberia wamethibitisha kutokea kwa kisa cha pili cha mgonjwa wa Ebola.

Taarifa hiyo ni pigo kwa kampeini ya taifa hilo la Magharibi mwa Afrika kutokomeza kabisa ugonjwa huo uliosababisha maafa makubwa katika mlipuko uliotokea yapata miaka miwili iliyopita.
Aidha tangazo hilo limewadia miezi miwili pekee tangu ugonjwa huo hatari kutangazwa kuisha nchini humo.

Mtoto wa mwanamke mmoja aliyefariki kutokana na ugonjwa huo mapema wiki hii anatibiwa kwenye kituo cha uangalizi mjini Monrovia.

Maafisa wa Afya wanafanya uchunguzi kujua ni vipi mwanamke huyo na mtoto wake wa miaka mitatu waliweza kuvuka kutoka Guinea kuingia Liberia.

Maafisa wa Afya wanafanya uchunguzi kujua ni vipi mwanamke huyo na mtoto wake wa miaka mitatu waliweza kuvuka kutoka Guinea kuingia Liberia.

Liberia imefunga mipaka yake kwa muda baada ya visa vya Ebola kuripotiwa nchini Guinea.
Shirika la Afya duniani WHO limesema lina aamini visa vilivyoripotiwa hivi sasa vinaweza kudhibitiwa.